გაერთიანებული სამეფოს ფინანსურმა მარეგულირებელმა აკრძალა Binance - მსოფლიოს უდიდესი კრიპტოვალუტების ბირჟა.
ფინანსური ქმედებების ორგანომ (FCA) დაადგინა, რომ კომპანიას არ შეუძლია რაიმე რეგულირებადი საქმიანობის განხორციელება დიდ ბრიტანეთში.
ამავე დროს, FCA-მ გაავრცელა გაფრთხილება და მოუწოდა მომხმარებლებს, ყურადღებით იყვნენ Binance.com-ზე განთავსებულ სარეკლამო შემოთავაზებებთან დაკავშირებით, რომელიც კრიპტოინვესტიციის განხორციელებისას მაღალ მოგებას პირდებიან.
ბრიტანეთის ფინანსური მარეგულირებლის ამ გადაწყვეტილების ფონია მთელს მსოფლიოში მარეგულირებელი ორგანოების მხრიდან კრიპტოვალუტების პლატფორმებზე მიმდინარე ზეწოლა.
Binance.com არის ონლაინცენტრალიზებული პლატფორმა, რომელიც მომხმარებელს მრავალფეროვან ფინანსურ პროდუქტებსა და მომსახურებებს სთავაზობს. პლატფორმაზე შესაძლებელია კრიპტოვალუტების შეძენა, შენახვა, გაცვლა-გამოცვლა, შემნახველი ანაბრების გახსნა და ა.შ.
Binance Group რეგისტრირებულია კაიმანის კუნძულებზე, ხოლო მისი შვილობილი კომპანია Binance Markets Limited ლონდონში ფუნქციონირებს.
ბრიტანეთის მარეგულირებელმა სწორედ Binance Markets Limited-ის საქმიანობა აკრძალა. ამასთან დასძინა, რომ Binance Group-ის არცერთ იურიდიულ პირს არ ქნება ბრიტანეთში საქმიანობის უფლება.
