ფლორიდის შტატში, მაიამიში საცხოვრებელი კორპუსის ჩამონგრევის შედეგად დაღუპულთა რიცხვი 9-მდე გაიზარდა.
გავრცელებული ინფორმაციით, 8 ადამიანის ცხედარი ნანგრევების ქვეშ იპოვეს, ხოლო ერთი ადამიანი საავადმყოფოში გარდაიცვალა. მედიის ცნობით, გარდაცვლილთაგან მხოლოდ 4 ადამიანის იდენტიფიცრება გახდა შესაძლებელი.
ამ დროის მონაცემებით, 150-ზე მეტი ადამიანი დაკარგულად ითვლება. საგანგებო სიტუაციების მართვის ათეულობით თანამშრომელი და სპეცტექნიკა 24-საათიან რეჟიმი მუშაობს ნანგრევების ქვეშ გადარჩენილთა აღმოსაჩენად.
მაიამიში 12-სართულიანი კორპუსის ნაწილი გუშინ ჩამოინგრა. მალევე ცნობილი გახდა, რომ ჯერ კიდევ 2018 წელს ჩატარებულმა შემოწმებამ, შენობის მძიმე სტრუქტურული დაზიანება გამოავლინა.
