- მსოფლიო 24 ივნისი 2021, 23:48
მაიამიში საცხოვრებელი კორპუსი ჩამოინგრა - არიან დაღუპულები და დაშავებულები
შეერთებულ შტატებში, ფლორიდაში, მაიამიში მდებარე 12-სართულიანი საცხოვრებელი კორპუსი ჩამოინგრა.
გავრცელებული ცნობით, დაღუპულია სულ მცირე სამი ადამიანი, ხოლო ათეულობით მაცხოვრებლის ადგილსამყოფელი უცნობია.
მაიამის პოლიციის ინფორმაციით, ადამიანების რაოდენობა, რომელთა ადგილსამყოფლის დადგენას ვერ ახერხებენ, 99-მდე გაიზარდა.
მათივე ცნობით, არ არის ცნობილი, უბედური შემთხვევის დროს, შენობაში რამდენი ადამიანი იმყოფებოდა.
ამ დროისთვის, მაშველებმა ნანგრევებიდან 35 ადამიანის გამოყვანა შეძლეს, რომელთაგან ათს სამედიცინო დახმარების გაწევა დასჭირდა, ხოლო ორი საავადმყოფოშია გადაყვანილი.
შემთხვევის ადგილზე, ათეულობით მაშველი მუშაობს.
უცნობია, რა გახდა კორპუსის ჩამონგრევის მიზეზი.
