ევროკავშირის საგარეო საქმეთა მინისტრებმა ლუქსემბურგში, ევროკავშირის საბჭოს სხდომაზე დაამტკიცეს სანქციების ახალი პაკეტი ბელორუსის წინააღმდეგ. განაცხადა ევროკავშირის საბჭოს პრეზიდენტმა შარლ მიშელმა.
"დღეს ევროკავშირი ბელარუსის მოსახლეობას მხარდაჭერი კიდევ ერთ ძლიერ სიგნალს უგზავნის შემდგომი შემაკავებელი ზომების დაწესებით. რეჟიმისადმი ჩვენი გზავნილი არ შეიძლება არასწორად იქნას გაგებული: გაათავისუფლეთ ყველა პოლიტპატიმარი. შეაჩერეთ შემდგომი რეპრესიები. დაიწყთ ინკლუზიური ეროვნული დიალოგი“, - დაწერა შარლ მიშელმა Twitter-ზე.
სანქციების ახალი პაკეტი უკავშირდება ბელარუსის რეჟიმის მიერ Ryanair-ის თვითმფრინავის მინსკში იძულებით დაშვებას, ჟურნალისტ რომან პრატასევიჩისა და მისი მეგობრის, სოფია საპეგას დაკავებას, ასევე საპროტესტო აქციების ძალადობრივ დარბევასა და სამოქალაქო აქტივისტების დევნას.
ცოტა ხნით ადრე, ევროკავშირის უმაღლესმა წარმომადგენელმა უსაფრთხოებისა და საგარეო პოლიტიკის საკითხებში, ჟოზეპ ბორელმა განაცხადა, რომ მეოთხე პაკეტის გარდა, ევროკავშირში მზადდება წინადადება ბელარუსისთვის მკაცრი ეკონომიკური სანქციების დაწესების შესახებ. ეკონომიკური სანქციების დაწესების საკითხს ევროკავშირის სამიტზე განიხილავენს, რომელიც 24-25 ივნისს გაიმართება.
იუწყებიან, რომ სანქციები დაუწესდება ბელარუსის 7 ეკონომიკურ სექტორს "თამბაქოს ნაწარმით დაწყებული და კალიუმის ექსპორტით დამთავრებული".
