ლიეტუვის პრეზიდენტის გიტანას ნაუსედას განცხადებით, რუსეთი ცდილობს ბელარუსის "გადაყლაპვას" და საჭიროა, ამ ვითარების მიმართ ნატომ დააფიქსიროს "ძალიან მკაფიო, ერთიანი და ძლიერი რეაგირება". ეს განცხადება ნაუსედან ბრიუსელში, ნატოს სამიტის დაწყებამდე გააკეთა.
გიტანას ნაუსედას განცხადებით, რეგიონში უამრავი სხვადასხვა სახის საფრთხეებია.
"ვხედავთ აღმოსავლეთით დამატებით საფრთხეებს, რომელიც დაკავშირებულია რუსეთს აგრესიულ ქცევებთან. ბელარუსში არსებული ვითარება რეგიონისთვისაც აქტუალური ხდება. რაც ძალიან მნიშვნელოვანია, ჩვენ ვხედავთ, რუსეთის ძალისხმევას, რომელიც ის ამ ქვეყნის "გადაყლაპვისთვის" ახორციელებს", - თქვა ნაუსედამ.
"ბელარუსი კარგავს დამოუკიდებლობის უკანასკნელ ელემენტებს და ეს ტენდენციები ძალიან საშიშია. ვიმედოვნებ, ბაიდენს მკაფიო გზავნილები ექნება", - დასძინა ლიეტუვის პრეზიდენტმა.
გიტანას ნაუსედას თქმით, ნატოს არ შეუძლია უფრო მჭიდრო კავშირი ჰქონდეს მოსკოვთან, ვიდრე კრემლი არ შეცვლის თავისი მოქმედებების სქემას.
ბრიუსელში ნატოს სამიტი მიმდინარეობს.
