შეერთებული შტატების პრეზიდენტმა ჯო ბაიდენმა, "დიდი შვიდეულის" სამიტის შემდეგ გამართულ პრესკონფერენციაზე განაცხადა, რომ რუსეთის პოზიციების შეცვლის გარანტიას ვერ გასცემს. ამასთან, მან რუსეთის პრეზიდენტ, ვლადიმირ პუტინს ავტოკრატი უწოდა.
"არ არსებობს გარანტიები, რომ შევძლებ ადამიანის ან ქვეყნის ქმედებების შეცვლას. ავტოკრატებს აქვთ უდიდესი ძალაუფლება, მათ არ სურთ უპასუხონ საზოგადოებას და სრულიად შესაძლებელია, რომ თუ მე პუტინს სათანადო პასუხს გავცემ, რასაც გავაკეთებ კიდეც, ეს მას ვერ გადაარწმუნებს, და იგივე სულისკვეთებით გააგრძელებს თავის ქმედებებს", - განაცხადა ბაიდენმა პრესკონფენციაზე.
ჯო ბაიდენი ევროპული ტურნეს ფარგლებში, ბაიდენი რუსეთის პრეზიდენტს 16 ივნისს, ჟენევაში შეხვდება.
პუტინთან ჯო ბაიდენი შეიარაღების კონტროლზე, უკრაინის კონფლიქტზე, რუსეთის კიბერთავდასხმებზე, კლიმატურ ცვლილებებსა და რუს ოპოზიციონერ ალექსეი ნავალნის პატიმრობაზე ისაუბრებს.
