პოლონეთის ხელისუფლებამ ბელარუსის თვითმფრინავებს ქვეყნის საჰაერო სივრცეში ფრენა აუკრძალა. ინფორმაციას პოლონეთის მთავრობის ოფიციალური წარმომადგენელი პიოტრ მიულერი ავრცელებს.
"მინისტთა კაბინეტმა მიიღო გადაწყვეტილება აიკრძალოს პოლონეთის საჰაერო სივრცეში ბელარუსი გადამზიდავების მიერ ექსპლუატირებული თვითმფრინავები. ეს სანქცების რეალიზაციის ელემენტია, რომელზეც ევროპულ საბჭოსთან საუბარი ჰქონდა პოლონეთის პრემიერ მინისტრ მათეუშ მორავიეცკის", - დაწერა მიულერმა Twitter-ზე.
მორავიეცკიმ ვიშეგრადის ჯგუფის (პოლონეთი, ჩეხეთი, სლოვაკეთი, უნგრეთი) სახელით ევროპულ საბჭოს წინადადებით მიმართა ბელარუსთან ავიამიმოსვლის შეწყვეტის შესახებ, ვიდრე არ გათავისუფლდება Telegram-არხის Nexta-ს დამფუძნებელი ოპოზიციონერი ჟურნალისტი რომან პროტასევიჩი.
23 მაისს, ირლანდიური ავიაკომპანია Ryanair-ის თვითმფრინავს, რომელიც ათენიდან ვილნიუსში მიფრინავდა, მინსკში დაჯდომა აიძულეს.
ბორტზე რომან პროტასევიჩი იმყოფებოდა, რომელიც ბელარუსის ხელისუფლებამ დააკავა.
ზოგიერთმა ავიაკომპანიამ ბელარუსის საჰაერო სივრცეში ფრენაზე უარი თქვა. ევროკავშირი განიხილავს ბელაურისის ცაზე ყველე ევროპული ავიაკომპანიის ფრენებისა და ბელარუსსა და ევროკავშირს შორის სახმელეთო გადაზიდვების შეწყვეტის შესალებლობას განიხილავს.
