ახალი მაგისტრალის მშენებლობაზე გამოცხადებულ ტენდერში მონაწილეობის სურვილი უკვე 10-მა კომპანიამ გამოთქვა. პროექტის მიხედვით, ახალი გზის გასწვრივ ინფრასტრუქტურა განვითარდება, აშენდება სავაჭრო ობიექტები და გაუმჯობესდება ეკოლოგიური მდგომარეობა.
"ჩქაროსნული გზის მშენებლობა გრძელდება. იმერეთის შემოვლითი გზა მისი ერთ-ერთი სეგმენტია. ვვარაუდობთ, რომ ამ გზის მშენებლობას დავიწყებთ წლის ბოლოს, მანამდე კი გამარჯვებული კომპანია გამოვლინდება. ტენდერი მაქსიმალურად გამჭვირვალეა", - განაცხადა ნილოკაიშვილმა დღეს და აქვე დასძინა, რომ ჩქაროსნული მაგისტრალის მშენებლობის პროცესში მომავალი წელი გარდამტეხი იქნება.
მისივე თქმით, 60-კილომეტრიანი მაგისტრალის დასრულების შემდეგ ქუთაისში, ზესტაფონსა და სამტრედიაში მოძრაობა განიტვირთება.
ახალი გზის მშენებლობას იაპონიის საერთაშორისო ურთიერთობათა ასოციაცია დააფინანსებს.