უკრაინის ეკონომიკის სამინისტრო მთავრობას მოუწოდებს ხორბლის ექსპორტზე კვოტები არ გაგრძელოს რუსეთთან და დსთ-ის 9 სახელმწიფოსთან. საქართველოს და მაკედონიას კი ხორბალი კვოტების გარეშე მიაწოდოს.
ეკონომიკის სამინისტრო ამას ამ ქვეყნებთან გაფორმებულ თავისუფალი ვაჭრობის შესახებ ხელშეკრულებას ხსნის.
შეგახსენებთ, რომ უკრაინის მთავრობის #938-ე დადგენილების მიხედვით, 2011 წლისთვის ხორბლის საექსპორტო კვოტა 0,5 მლნ ტონით განისაზღვრა, ქერის - 0,2 მლნ ტონით, ხოლო სიმინდის - 2 მლნ ტონით.
იმავდროულად, მარცვლეულით ვაჭრობის საერთაშორისო ასოციაცია, უკრაინის მიერ ხორბლის ექსპორტზე კვოტების დაწესება ეწინააღმდეგება.
ამის შესახებ ინფორმაციას უკრაინის მეხორბლეთა ასოციაცია ავრცელებს. უკვე ცნობილია, რომ მარცვლეულით ვაჭრობის საერთაშორისო ასოციაციამ უკრაინის პრეზიდენტს ვიქტორ იანუკოვიჩს და ქვეყნის პრემიერ-მინისტრ ნიკოლაი აზაროვს ვითარების გამოსწორების თხოვნით უკვე მიმართა.
~მარცვლეულით ვაჭრობის საერთაშორისო ასოციაცია, რომელიც თავისუფალი ვაჭრობის პრინციპებს იცავს, შეშფოთებულია, რომ ამ დრომდე უკრაინის ბაზარზე არსებული ვითარება არაპროგნოზირებადი და გაუმჭვირვალეა.
ჩვენთვის მიუღებელია უკრაინის მთვარობის გადაწყვეტილება ხორბლის ექსპორტზე კვოტების დაწესების შესახებ, რადგან ეს მსოფლიო სავაჭრო ორგანიზაციის მიმართ კიევის მიერ აღებულ ვალდებულებებს ეწინააღმდეგება", - ნათქვამია ასოციაციის მიერ უკრაინის პირბელი პირეისათვის გაგზავნილ წერილში.