სენატორებმა არამხოლოდ ყური აუწიეს ოპოზიციას, არამედ გაულაწუნეს და ყურები დაახიეს კიდეც - ამბობს საპარლამენტო უმრავლესობის წევრი ირაკლი ზარქუა სენატში, გუშინ გამართულ საკომიტეტო მოსმენის კომენტირებისას, სადაც საქართველოში არსებულ პოლიტიკურ კრიზისზე იმსჯელეს.
"მნიშვნელოვანი იყო იმის ხაზგასმა სენატორებისგან, რომ საქართველოში პარლამენტს გარეთ არსებული ქაოსი, დესტაბილიზაცია და რევოლუციური სცენარი მხოლოდ რუსეთის ინტერესებშია. ეს ნათლად იყო ხაზგასმული და ჩემის აზრით, ამით არა მხოლოდ ყური აუწიეს ოპოზიციას, არამედ გაულაწუნეს კიდეც და ყურებიც დაახიეს.
ერთადერთი ამოცანა, მიზანი დაუსვეს მათ, უთხრეს, რომ მათი ადგილი არის პარლამენტში და გააგრძელონ მანდ მუშაობა," - აღნიშნა ირაკლი ზარქუამ.
23 მარტს, ვაშინგტონში, სენატის საგარეო ურთიერთობათა კომიტეტის ევროპისა და რეგიონული თანამშრომლობის ქვეკომიტეტის სხდომაზე საქართველოს საკითხზე მოსმენა გაიმართა, რომელიც ქვეკომიტეტის თავმჯდომარემ, სენატორმა ჯინ შაჰინმა მოიწვია.
