როცა გეუბნებიან, შორდები ევროატლანტიკურ კურსს, ეს არის ის, რაც შედის რუსეთის ინტერესებში - აცხადებს "დემოკრატიული მოძრაობა - ერთიანი საქართველოს" ლიდერი ნინო ბურჯანაძე სენატში გამართულ მოსმენასთან დაკავშირებით.

ბურჯანაძის განცხადებით, "ქართული ოცნება" არასწორად აფასებს დასავლელი პარტნიორების გზავნილებს.

"როცა ლაპარაკია, რომ შენ შორდები იმ პრინციპებს, რომელიც გაახლოებს დასავლურ სტრუქტურებთან, მით უმეტეს, როდესაც შენ გეუბნებიან, შორდები ევროატლანტიკურ ალიანს, რა თქმა უნდა, ეს არის ის, რაც შედის რუსეთის ინტერესებში, მაგრამ მე არ დავადანაშაულებდი არავის ჩვენი საკუთარი თავის გარდა იმაში, რაც ჩვენ გვემართება. ჩვენი ბრალია, რომ ვითმენთ ოლიგარქ ივანიშვილს, ჩვენი ბრალია, რომ მოსახლეობა არ ამბობს ხმამაღლა არას იმაზე, რომ 21 საუკუნეში ფეოდალური მეთოდებით ვიმართებით", – განაცხადა ნინო ბურჯანაძემ.

23 მარტს, ვაშინგტონში, სენატის საგარეო ურთიერთობათა კომიტეტის ევროპისა და რეგიონული თანამშრომლობის ქვეკომიტეტის სხდომაზე საქართველოს საკითხზე მოსმენა გაიმართა, რომელიც ქვეკომიტეტის თავმჯდომარემ, სენატორმა ჯინ შაჰინმა მოიწვია.

•   თუ ახლა ვერ მონახეს სწორი გამოსავალი, მას ვერასოდეს მონახავენ - სენატორი რიში

•   რუსეთი ერთადერთია, ვინც საქართველოში არსებული კრიზისით მოგებულია - სენატორი ჯინ შაჰინი

•   ოპოზიციის წევრების ციხეში გატარებული ყოველი დღე რუსეთის გამარჯვებაა - სენატორი შაჰინი

•   საქართველოს პარლამენტში ადგილები ცარიელია. იმედგაცრუებული ვარ, რომ ყველა პარტიამ დაუშვა, კრიზისი ასე დიდხანს გაგრძელდეს - ჯინ შაჰინი

•   მელიას დაკავება საქართველოს დემოკრატიისთვის უკან გადადგმული ნაბიჯია - ჯორჯ კენტი