ადამიანები უნდა გამოვიდნენ ქუჩაში და ხმამაღლა უთხრან ივანიშვილს - საქართველო არ არის შენი ბოსტანი - განაცხადა "ერთიანი საქართველოს" ლიდერმა, ნინო ბურჯანაძემ რუსთაველის გამზირზე, სადაც ოპოზიციამ სამოქმედო გეგმა გაახმოვანა.
ნინო ბურჯანაძემ მოუწოდა სრულიად საქართველოს აქციებზე გამოვიდნენ, რათა ევროპელ პარტნიორებს დაანახონ, რომ ქვეყნის მოსახლეობას ევროპულის სტილის, დემოკრატიული სახელმწიფო უნდა.
""საქართველოს მოსახლეობა, ადამიანები, რომლებსაც გვაქვს ღირსეული მრავალსაუკუნოვანი წარსული, ადამიანები, რომლის წინაპრები იბრძოდნენ, საქართველოს დამოუკიდებლობისთვის, უნდა გამოვიდნენ ქუჩაში და ხმამაღლა უთხრან ივანიშვილს - საქართველო არ არის შენი ბოსტანი, ხმამაღლა უთხრან ჩვენს დასავლელ პარტნიორებს - დიახ, ჩვენ გვინდა ევროპული სტილის, დემოკრატიული სახელმწიფო. სახელმწიფო, სადაც ერთი ადამიანის ჯიბეში არ არის პრეზიდენტის სავარძელი, პარლამენტი, პროკურატურა და სახელმწიფო, სადაც პირველი პირი, პრემიერმინისტრი, ივანიშვილის კი არა, აღმოჩნდა, რომ მისი შვილის ლაქიაა და მისი შვილის უკანონო დავალებებს ასრულებს",- თქვა ბურჯანაძემ.
ოპოზიციურმა პარტიებმა განაცხადეს, რომ მუშაობის საგანგებო რეჟიმზე გადადიან და უწყვეტი საპროტესტო აქციები დაანონსეს.
