დღეს სავარაუდოდ კიდევ ერთი ერთობლივი შეხვედრა შედგება, აცხადებს ქართული ოცნების თავმჯდომარე ირაკლი კობახიძე, რომელიც დღეს ევროპული საბჭოს წარმომადგენელს შეხვდა
„ალბათ, ოპოზიციის წარმომადგენლებთანაც იქნება ასეთი კონსულტაციები და დღეს სავარაუდოდ კიდევ ერთი ერთობლივი შეხვედრა შედგება. ვნახოთ, ჩვენ გვაქვს დიდი იმედი, რომ ეს დიალოგი დასრულდება წარმატებით, შეთანხმებით. თუ იქნება სათანადო მიდგომა ყველა მხრიდან, ამ შემთხვევაში დიალოგი იქნება წარმატებული. ჯერ ჩვენი პოზიცია იყო მნიშვნელოვანი და მერე მოისმენენ ალბათ სხვებსაც. კონკრეტულ თემებთან დაკავშირებით იყო, რაც უკავშირდება სავარაუდო შეთანხმებას, ამაზე იყო საუბარი და კონკრეტული საკითხები, დეტალები განვიხილეთ. ჩვენ გვაქვს შეთანხმების იმედი, თუმცა ყველაფერი არის დამოკიდებული იმაზე, თუ როგორ დამოკიდებულებას გამოიჩენენ მხარეები დიალოგის მიმართ. დეტალებში არ შევალ. ვთქვით უკვე, რომ დეტალების გასაჯაროება არის ის, რაც არასწორი იქნება. ჩვენ ამაზე შევთანხმდით საერთაშორისო პარტნიორებთან. აქედან გამომდინარე, არც ერთ შესაძლო დეტალზეც კი კომენტარს არ გავაკეთებ“, – განაცხადა კობახიძემ.
