"ინფექციური პათოლოგიისა და შიდსის ცენტრის" დირექტორმა, თენგიზ ცერცვაძე აცხადებს, რომ ვაქცინაციის მიღების თვალსაზრისით, ყველაზე არასახარბიელო მდგომარეობაში აღმოჩნდნენ ე.წ. საშუალო შემოსავლის ქვეყნები, მათ შორის საქართველო, რადგან "ისინი ვერ სარგებლობენ ძალიან ღარიბი ქვეყნებისთვის არსებული შეღავათებით და ამავე დროს არც ისეთი შეუზღუდავი რესურსები აქვს, რომ ნებისმიერ ფასად და ნებისმიერი გზით შემოიტანონ ვაქცინა".
"ჩვენ არ ვართ მარტო ამ დღეში. დაახლოებით ჩვენი განვითარების დონის ყველა ქვეყანა ასეა", - დასძინა ცერცვაძემ.
თენგიზ ცერცვაძის განცხადებით, დღეს, ვინც ვაქცინაცია დაიწყო არიან მდიდარი ქვეყნები, ან ძალიან ღარიბი ქვეყნები.
"ხშირად ამბობენ, ღარიბმა ქვეყნებმა დაიწყეს ვაქცინაცია. დიახ, დღეს ვინ ახერხებს ვაქცინაციას? ძალიან მდიდარი ქვეყნები და ძალიან ღარიბი ქვეყნები, ვისაც საერთაშორისო თანამეგობრობა, კოვაქს პლატფორმა და ჯანმო აწვდის ვაქცინის გარკვეულ რაოდენობას, სწორედ იმიტომ, რომ ისინი ძალიან დაბალი შემოსავლის მქონე ქვეყნები არიან და არ აქვთ საშუალება ვაქცინა თვითონ შეიძინონ", - აღნიშნავს ცერცვაძე.
ფოტო: ფორმულა