შინაგან საქმეთა მინისტრმა, ვახტანგ გომელაურმა პარლამენტში, ნდობის ჯგუფის სხდომის დასრულების შემდეგ ჟურნალისტებთან ისაუბრა. მინისტრმა აღნიშნა, რომ დეპუტატებთან საუბარი იყო, 2020 წელს შინაგან საქმეთა სამინისტრომ თუ რა გააკეთა, რას ვგეგმავთ მომავალში, რა პრობლემები გვაქვს, რისი გამოსწორებაა საჭირო, რაზეც ვმუშაობთ.
„ნდობის ჯგუფში გავაკეთეთ მოხსენება, შინაგან საქმეთა სამინისტრომ. იყო რამდენიმე მნიშვნელოვანი ძირითადი თემა, ერთ-ერთ იყო სასაზღვრო პოლიცია.
ვისაუბრეთ, თუ რა გაკეთდა, რას ვგეგმავთ მომავალში, რა პრობლემები გვაქვს, რისი გამოსწორებაა საჭირო, რაზეც ვმუშაობთ. იყო რა თქმა უნდა, ორგანიზებული დანაშაულის წინააღმდეგ ბრძოლის თემა, რა იყო 2020 წელს, რა გავაკეთეთ, რა აღვკვეთეთ.
ასევე, ერთ- ერთი მნიშვნელოვანი თემა იყო, შეიძლება ხშირად არაპოპულარული, სტრატეგიული მილსადენების დაცვის უსაფრთხოება, რაც არის ძალიან მნიშვნელოვანი, შინაგან საქმეთა სამინისტრო ახორციელებს ამას და ამაზეც ვისაუბრეთ. საუბარი იყო საიდუმლო შესყიდვების საკითხზე, რაც გვაქვს, მცირე გვაქვს ძალიან შინაგან საქმეთა სამინისტროს, თუმცა ესეც წარვადგინეთ, თუ რაში გამოვიყენეთ ეს თანხები“, - განაცხადა ვახტანგ გომელაურმა
