აშშ-ის პრეზიდენტმა დონალდ ტრამპმა ბაიდენის მიერ არჩევნებში გამარჯვების გამოცხადების შემდეგ თქვა, რომ თავის სიმართლეს დაიცავს სასამართლოში.
"მე არ გავჩერდები, ვიდრე ამერიკელი ხალხი არ მიიღებს ხმების კანონიერ დათვლას, რომელსაც ის იმსახურებს და რომელსაც მოითხოვს დემოკრატია", - განაცხადა ტრამპმა.
ტრამპის შტაბში განაცხადეს, რომ ჯო ბაიდენმა იჩქარა, როდესაც თავი არჩეულ პრეზიდენტად გამოაცხადა.
"ჩვენ ყველამ ვიცით, რომ ჯო ბაიდენი ჩქარობს ყალბად იპოზიოროს გამარჯვებული სახით. რატომ ცდილობენ მედიაში მის მოკავშირეები დახმარებას - მათ არ სურთ, რომ სიმართლე გაირკვეს", - ნათქვამია ტრამპის განცხადებაში, რომელიც შტაბმა გაავრცელა.
ცოტა ხნის, წინ შეერთებული შტატების არჩეულმა პრეზიდენტმა, ჯო ბაიდენმა პენსიილვანიის შტატში დაჯაბნა თავისი მეტოქე, მოქმედი პრეზიდენტი დონალდ ტრამპი და საარჩევნო კოლეგიის 273 წევრის ხმა მოიპოვა, რითაც ის ამერიკის 46-ე პრეზიდენტი გახდა.
კალიფორნიის სენატორი კი, როგორც ჯო ბაიდენის ვიცე-პრეზიდენტობის კანდიდატი, თეთრ სახლში თავის პოსტს დაიკავებს და ამერიკის ისტორიაში პირველი ქალი ვიცე-პრეზიდენტი იქნება.
გარდა ამისა, კამალა ჰარისი აშშ-ის პირველი ფერადკანიანი და სამხრეთაზიური წარმოშობის ვიცე-პრეზიდენტი იქნება.
