ველოდები, რომ შეფასებები კიდევ უფრო გამწვავდეს საბოლოო ანგარიშში, რომელიც უნდა დაწეროს ეუთომ ცოტა ხანში, მას შემდეგ, რაც შეისწავლის იმ დოკუმენტაციას, რომელსაც მივაწვდით, - აცხადებს "ერთიანი ნაციონალური მოძრაობის" წევრი თინა ბოკუჩავა.
მისი თქმით, ერთი მოქალაქის ხმაც რომ ჰქონდეს ბიძინა ივანიშვილს მოპარული, ის არ უნდა შერჩეს.
"აბსოლუტურად ყველა მაღალი რეპუტაციის ეგზიტპოლი, ისევე როგორც სამართლიანი არჩევნების პარალელური დათვლის პროცედურა მეტყველებს იმაზე, ძალიან ცხადად და ცალსახად, რომ ბიძინა ივანიშვილს არ გააჩნია ჩვენი მოსახლეობის უმრავლესობის მხარდაჭერა, ხოლო მთავრობის ფორმირებისთვის საჭიროა სწორედ უმრავლესობის მხარდაჭერა. მან მოიპარა ეს არჩევნები იმისთვის, რომ მოახდინოს მთავრობის ფორმირება. ველოდები, რომ შეფასებები კიდევ უფრო გამწვავდეს საბოლოო ანგარიშში, რომელიც უნდა დაწეროს ეუთომ ცოტა ხანში, მას შემდეგ, რაც შეისწავლის იმ დოკუმენტაციას, რომელსაც მივაწვდით. ერთადერთი გონივრული გამოსავალი ამ ღრმა პოლიტიკური კრიზისიდან, რომელიც გამოიწვია არჩევნების შევარდნაძისეული მასშტაბით გაყალბებამ, არის ახალი არჩევნების ჩანიშვნა, ახალი საარჩევნო ადმინიტრაციის პირობებში", - განაცხადა თინა ბოკუჩავამ.
