ჩვენი წევრები ლომებივით იცავენ ხმებს. ხელისუფლებას არ შევარჩენთ არც ერთ ხმას და მცდელობას გაყალბებისას, - თქვა "ნაციონალური მოძრაობის" ქუთაისის მაჟორიტარი დეპუტატობის კანდიდატმა გრიგოლ ვაშაძემ განაცხადა.
მისი თქმით, მთავარი შედეგი არის მიღწეული და ოპოზიციამ გაიმარჯვა.
"დამთავრდა არჩევნები, რომელმაც უნდა განსაზღვროს ჩვენი სამშობლოს ბედი, მომავალი ოთხი წლის განმვლობაში. ახლა ველოდებით შედეგებს. ჩვენი წევრები ლომებივით იცავენ ხმებს. ხელისუფლებას არ შევარჩენთ არც ერთ ხმას და მცდელობას გაყალბებისას.
შედეგი ასეთია, ქართველმა ხალხმა ე.წ. "ქართულ ოცნებას" უთხრა, რომ აღარასოდეს ეს ხელისუფლება არც ერთპარტიულად და არც ხელისუფლებაში აღარ იქნება. რომ შევაფასოთ არჩევნები, ჭრელი არჩევნები იყო, ზოგან იყო ფიზიკური ძალის გამოყენება. დაველოდოთ საერთაშორისო დამკვირვებლების შეფასებას, მაგრამ პრინციპში, მთავარი შედეგი არის მიღწეული - ოპოზიციამ გაიმარჯვა.
მინდა გამოვეხმაურო დროშებით სიარულზე და ბრიფინგებზე, რომ წინასწარი მონაცემებით, რომელიც დარწმუნებული ვარ, "ტოჩნი ზურაბასგან" მოდის, რომ უკვე ყველაფერი მოგებულია, ქუთაისში, ბატონებო, არაფერი მოგიგიათ. რაც შეეხება სახელმწიფოს, ვნახოთ, რა შედეგს გამოაცხადებს ცესკო. ეგზიტპოლებმა ზუსტად აჩვენა ამომრჩევლების განწყობა“, - განაცხადა გრიგოლ ვაშაძემ.
