პოლონეთი და შვედეთი მიიჩნევენ, რომ ევროკავშირმა აღმოსავლეთის მეზობლებისათვის _ საქართველო, აზერბაიჯანა, სომხეთი, მოლდოვა და უკრაინა, გაფართოების პერსპექტივა უნდა შექმნას. ამის შესახებ საუბარია პოლონეთისა და შვედეთის საგარეო საქმეთა მინისტრების რადოსლავ სიკორსკისა და კარლ ბილდტის ერთობლივ წერილში, რომლითაც მათ ევროკავშირის საგაერო ურთიერთობათა კომისარს კეტრინ ეშტონსა და ევროკომისარს ევროპის სამეზობლო პოლიტიკის საკითხებში სტეფან ფიულეს მიმართეს.
ორი ქვეყნის საგერო უწყების ხელმძღანელები აცხადებენ, რომ ევროკავშირის მეზობლებს გააჩნიათ სპეციალური სტატუსი ევროკავშირთან გაფორმებული ხელშეკრუების საფუძველზე.
სიკორსკი და ბილდტი მიიჩნევენ, რომ ექვსივე ქვეყანამ, ევროავშირის წევრობისთვის უნდა მიიღონ ევროპული წესები და შექმნან კანონმდებლობა, რომელიც ევროკავშირის კანონმდებლობას შეესაბამება. საუბარია თავისუფალი ვაჭრობის ზონების შექმნაზე, ასევე უვიზო რეჟიმის შემოღებაზე, სხვა ევრპულ პროექტებში მონაწილეობაზე. კერძოდ თანამშრომლობაზე სამხედრო, სამართალდაცვით და მიგრაციის საკითხებში.
აღნიშნულთან დაკავშირებით მინისტრებმა თავიანთ წერილში გააჟღერეს მოწოდება, რომ 2011 წლის 26 მაისს, ბუდაპეშტში "აღმოსავლეთის პარტნიორობის" ქვეყნებისათვის დაგეგმილის სამიტი მომზადდეს მაღალ დონეზე.
სიკორსკი და ბილდტი აუცილებელად მიიჩნევენ, ევროპული პოლიტიკის ფინანსური ინსტრუმენტების გაყოფას ორ ნაწილად, სამხრეთ და აღმოსავლეთ ქვეყნებთან თანამშრომლობისათვის. დღეისათვის საერთო ბიუჯეტიდან, რომელიც 1,7 მლრდ. ევროს შეადგენს აღმოსავლეთის ქვეყნებისთვის 600 მლნ ევრო გამოიყოფა, ამას გარდა დამატებით 90 მლნ. ევრო "აღმოსავლეთის პარტნიორობის" ფარგლებში.
მინისტრები აღნშნავენ, რომ ევროკავშირი უახლოესი 10 წლის განმავლობაში ვერ შესძლებს "აღმოსავლეთის პარტნიორობის" ქვეყნების ევროკავშირს წევრებად მიღებას.
აღნიშნული წერილი მომზადდა, მიმდინარე წლის ივლისში ევროკომისიის მიერ მომზადებული კითხვარის საფუძველზე, რომელიც ევროპის ეფექტური სამეზობლო პოლიტიკის შეფასებას ეხებოდა.
2011 წლის აპრილში ევროკომისია გეგმავს დაამტკიცოს ევროპის სამეზობლო პოლიტკის მიმოხილვა, ხოლო თებერვალში ევროპის სამეზობლო პოლიტიკაში ჩართული ქვეყნების საგარეო საქმეთა მინისტრების მონაწილეობით სპეციალური სხდომა გაიმართება.
