2020 წლის საპარლამენტო არჩევნებში ევროპული საქართველოს სიის პირველი ნომერი დავით ბაქრაძე იქნება, - ამის შესახებ პარტიის გენერალურმა მდივანმა, გიგი უგულავამ ბრიფინგზე განაცხადა.
მისივე თქმით, საარჩევნო სია შიდა კონკურენციის პრინციპით შედგება.
"ჩვენი სია სპეციფიკურია, პირველი ნომერი იქნება დავით ბაქრაძე. რაც შეეხება ძირითად ადგილებს - ჩვენ გვექნება სრულიად ახალი ინოვაცია, რაც აქამდე საქართველოს პარტიების ისტორიაში არ ყოფილა, ეს არის შიდა კონკურენცია. თუ ვინ გავა პარლამენტში დანარჩენ ადგილებზე, დამოკიდებული იქნება იმაზე, თუ რა შედეგს დადებენ ამა თუ იმ ოლქში ჩვენი თანამებრძოლები“, - თქვა უგულავამ.
