"ქართული ოცნებისთვის" სიგნალი არის ის შეფასებები, რომელიც დემოკრატიის განვითარებაზე საერთაშორისო პლატფორმებზე გაკეთებულა, - თქვა საქართველოს პრემიერ-მინისტრმა, გიორგი გახარიამ აშშ-ის კონგრესში წარმოდგენილ დოკუმენტზე, რომლის მიხედვით, საქართველო 2021 წელს დახმარების სახით 132 მილიონ დოლარზე მეტს მიიღებს, თუმცა დახმარების 15% კი შესაძლოა იქამდე შეჩერდეს, სანამ შტატების სახელმწიფო მდივანი კომიტეტს არ წარუდგენს ანგარიშს იმის შესახებ, რომ საქართველოს მთავრობა ეფექტურ ნაბიჯებს დგამს დემოკრატიული ინსტიტუტების გაძლიერების, კორუფციასთან ბრძოლისა და კერძო სექტორში კანონის უზენაესობის, მათ შორის უცხოური ბიზნესის უფლებების დაცვის კუთხით.
„უფრო მეტი კომუნიკაცია უნდ გვქონდეს, უფრო მეტი ყურადღება უნდა მივაქციოთ შიდა პოლიტიკურ კონტექსტში რა ხდება, ეს არის მოკლედ რომ გითხრათ, მცდელობა შიდა პოლიტიკურ კონტექსტში ჩვენი საერთაშორისო პარტნიორების ჩართვის, რაც ჩვენთვის გასაგებია. ჩვენი ამოცანა ის კი არ არის, რომ ამ საკანონმდებლო ამოცანაზე ერთი ამბავი ავტეხოთ, ეს უნდა მოვისმინოთ და გავაგრძელოთ ჩვენი დემოკრატიზაციის პროცესი ზუსტად ისე, როგორც ვაკეთებდით აქამდე და ერთ რამეში მინდა დაგარწმუნოთ არც დემოკრატიზაციის თვალსაზრისით, არ კორუფციასთან ბრძოლის თვალსაზრისით და ბევრი სხვა მიმართულებით საქართველოს პროგრესს არაფერი ემუქრება, ისევე როგორც საქართველოს ევროატლანტიკურ ინტეგრაციას,"- აღნიშნა პრემიერმა
დღეს, პრემიერ-მინისტრმა ვიცე-პრემიერთან და გერმანიის ელჩთან ერთად ასურეთის გერმანული დასახლება დაათვალიერა, სადაც სარესტავრაციო სამუშაოები განხორციელდა.