რუსეთის პრეზიდენტის პრეს-მდივნის ნატალია ტიმაკოვას განცხადებით, დედაქალაქის მერის პოსტზე დამტკიცების შემდეგ სერგეი საბიანინი ვიცე-პრემიერის პოსტიდან გადადგება.

დიმიტრი მედვედევი სერგეი საბიანინს გამოცდილ მუშაკად მიიჩნევს.

"სერგეი საბიანინი გამოცდილი მმართველია, რომელიც ფლობს აუცილებელ თვისებებს რათა მოსკოვის მერი გახდეს", _ აღნიშნა მედვედევმა Twitter-ში გამოქვეყნებულ ინფორმაციაში.

მან ასევე აღნიშნა, რომ ახლადდანიშნული მერის უმთავრესი ამოცანა მოსახლეობის სოციალური პრობლემების გადაწყვეტა, კორუფციასთან ბრძოლა და სატრანსპორტო პრობლემების გადაწყვეტა იქნება.

თავის მხრივ სერგეი საბიანინი პირობას დებს, რომ იბრძოლებს კორუფციის წინააღმდეგ, მოსკოველების სოციალური დაცვისთვის და გადაწყვეტს სხვა აქტუალურ საკითხებს.

"ეს არის დიდი პასუხისმგებლობდა და ნდობა, ყველაფერს გავაკეთებ მის გასამართლებლად", - აცხადებს საბიანინი.

სერგეი საბიანინი დაიბადა 1958 წელს ხანტი-მანაისკის ოლქის, ბერიოზივსკის რაიონის სოფელ ნიაკსიმვოლში. 2001 წლიდან იყო ტუმენის ოლქის გუბერნატორი, 2005 წლის ნოემბერში დაინიშნა რუსეთის ფედერაციის პრეზიდენტის ადმინისტრაციის უფროსად, 2008 წლიდან რუსეთის ფედერაციის მთავრობის თავმჯდომარის მოადგილე, ვიცე პრემიერ-მინისტრი _ რუსეთის ფედერაციის მთავრობის აპარატის უფროსი.