დონალდ ტრამპს ირანისთვის შეთანხმების მისაღწევად კონკრეტული ვადა არ დაუწესებია, – ამის შესახებ თეთრი სახლის პრესსპიკერმა, ქეროლაინ ლევიტმა განაცხადა.
მისი თქმით, დონალდ ტრამპი ამ ეტაპზე ინარჩუნებს პოზიციას და ირანს დამატებით დროს აძლევს, რათა ერთიანი წინადადება წარადგინოს.
ლევიტმა აღნიშნა, რომ ირანში ახლა განსხვავებული პოზიციებია — ერთ მხარეს უფრო პრაგმატული ძალები დგანან, მეორე მხარეს კი მკაცრი კურსის მომხრეები, და ვაშინგტონი სწორედ ერთიან პოზიციას ელოდება.
მისივე თქმით, ტრამპს ირანისთვის კონკრეტული ვადა არ დაუწესებია.
„საბოლოოდ, დროის ჩარჩოს განსაზღვრავს თავად პრეზიდენტი,“ — თქვა მან.
ლევიტმა ასევე აღნიშნა, რომ გრძელდება ოპერაცია „ეკონომიკური მრისხანება“ , რომლის ფარგლებშიც აშშ აგრძელებს ირანული გემებისა და პორტების ბლოკადას.
მისი შეფასებით, ეს ნაბიჯები ეფექტიანია და სერიოზულ ზეწოლას ახდენს ირანის ეკონომიკაზე.
