ბიძინა ივანიშვილის ყველაზე კარგად შემფასებელი ქართველი ბრძენი ხალხია, რომელიც მას ყოველ წელს 2012 წლის შემდეგ ხმას აძლევს - განაცხადა ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, სოფიო კილაძემ ამერიკის შეერთებული შტატების რესპუბლიკელთა კვლევითი კომიტეტის ეროვნული უსაფრთხოების ანგარიშში კონგრესმენების ინიციატივაზე, რომ რუს და უკრაინელ ოლიგარქებთან ერთად სანქციების ბიძინა ივანიშვილისთვისაც დაუწესდეს.
"ჩვენ ყურადღებით ვეკიდებით ჩვენი სტრატეგიული პარტნიორის განცხადებებს, მათ შორის კონგრესმენების განცხადებებსაც. ჩვენთვის სტრატეგიული პარტნიორი ძალიან მნიშვნელოვანია, მაგრამ მგონია, რომ ბიძინა ივანიშვილის ყველაზე კარგად შემფასებელი არის ის ქართველი ბრძენი ხალხი, რომელიც მას ყოველ წელს 2012 წლის შემდეგ ხმას აძლევს“, - განაცხადა სოფიო კილაძემ.
13-მა კონგრესმენმა ამერიკის შეერთებული შტატების რესპუბლიკელთა კვლევითი კომიტეტის ეროვნული უსაფრთხოების ანგარიშში, რუს და უკრაინელ ოლიგარქებთან ერთად სანქციების დაწესება ბიძინა ივანიშვილისთვისაც ითხოვა. მათი თქმით, ბიძინა ივანიშვილი პუტინის ახლო მოკავშირეა და რუსეთის სასარგებლოდ საქართველოს დესტაბილიზაციაშია ჩართული.