საქართველო არის ევროპა და ამას ვერ შეცვლის ვერაფერი. მისივე განმარტებით, ამის დასტური არის „ვეფხისტყაოსანიც“, - განაცხადა მიტროპოლიტმა ნიკოლოზმა სოფო ზურაბიანის "პოლიტიკის ფორმულაში".
მისი თქმით, არ შეიძლება რუსი წმინდანების დამოკიდებულების უგულებელყოფა საქართველოსადმი.
"ვიღაცა ძალიან ცდილობს, რომ ეს განწყობები შექმნას - რომ ეკლესიაში ანტიევროპული განწყობაა. ჩვენ ვართ ევროპა. ეს ჟვანიამ თქვა პირველად. ჩვენ გეოგრაფიულად ევროპა ვართ. „ვეფხისტყაოსანია“ ჩვენი მთავარი ნაწარმოები - აღმოსავლურ ფორმაში შეფუთული დასავლური ღირებულებები. 20% ოკუპირებულია რუსეთის ფედერაციის მიერ - ამას ვინ შეეკამათება. როგორც შეიძლება, პრორუსულები ვიყოთ. მე თვითონ მაქვს განწყობა, როცა მიკრძალავენ რუსეთზე ლაპარაკს - რუსული პოლიტიკა არის მიუღებელი. მაგრამ რუსეთში არიან წმინდანები, რომლებიც გიჟდებოდნენ საქართველოზე. მაგალითად, სერაფიმე საროველმა თქვა, რომ ანტიქრისტე არ შეეხება მხოლოდ საქართველოს", - ამბობს მიტროპოლიტი ნიკოლოზი.
შეგახსენებთ, რომ მეუფე ანტონმა ქადაგებისას განცხადება გააკეთა იმის შესახებ, უნდა გადაეხედა თუ არა ქვეყანას ევროატლანტიკური კურსისთვის. ამის შესახებ მეუფე ნიკოლოზმა განაცხადა, რომ ის კონტექსტიდან არის ამოგლეჯილი.