თბილისის ინფექციური საავადმყოფოს სამედიცინო დირექტორის მარინა ეზუგბაიას განცხადებით, შემთხვევების ზრდა ბოლნისის რაიონში ფიქსირდება. მისივე თქმით, სოფლებში გეტასა და მუშევანში კონტაქტების მოძიება მიმდინარეობს.
ეზუგბაიას განცხადებით, ამ ეტაპზე ძნელია თქმა, რომ გაზრდილი მაჩვენებელი შეზღუდვების მოხსნის შედეგად არის გამოწვეული.
"გაზრდილი შემთხვევები არის ბოლნისის რაიონი. ანუ, ძირითადად, ეს არის ბოლნისის რაიონში არსებული კონტაქტების დადასტურებული შემთხვევა და მათი გამოვლენა.
ანუ, ეს წყაროს შიგნით ხდება. ამ ეტაპზე იმის თქმა ძნელია, რომ შეზღუდვების მოხსნის შედეგად არის განვითარებული ეს გაზრდა”, - განაცხადა მარინა ეზუგბაიამ.
საქართველოში დღეს კორონავირუსის კიდევ 12 ახალი შემთხვევა გამოვლინდა. ბოლო 24 საათში კი დადასტურებული შემთხვევების რაოდენობა 18-ს შეადგენს, საიდანაც 8 ბოლნისში დაფიქსირდა.
