ქართული ოცნების დეპუტატი, ირაკლი კობახიძე ამბობს, რომ პოლიტპატიმრების, გიგი უგულავასა და ირაკლი ოქრუაშვილის შეწყალებასთან დაკავშირებით პრეზიდენტთან, სალომე ზურაბიშვილთან მმართველ პარტიას კომუნიკაცია არ ჰქონია.
"ჩვენ არ გვქონია პრეზიდენტთან კომუნიკაცია. ამის თაობაზე შევიტყვეთ, როდესაც ჩატარდა ბრიფინგი", - თქვა ირაკლი კობახიძემ ბრიფინგზე და აღნიშშნა, რომ პრეზიდენტი თავისი უფლებამოსილების გამხორციელებაში დამოუკიდებელია და ქართული ოცნებისთვის მიუღებელი იყო, როდესაც ოპოზიცია "პრეზიდენტისთვის დავალების მიცემას" მოითხოვდა.
"რა თქმა უნდა, პრეზიდენტი გამიჯნულია პოლიტიკური ხელისუფლებისგან და ეს ასეც უნდა იყოს. შესაბამისად, ჩვენ ვერ ვაკადრებდით პრეზიდენტს ვერავითარი მითითების მიცემას და ასეთი რამ აზრად არ გაგვივლია", - ამბობს კობახიძე.
