საქართველოს პარლამენტის ადამიანის უფლებათა დაცვის კომიტეტის თავმჯდომარე, სოფო კილაძე, ხელისუფლებასა და ოპოზიციას შორის, პოლიტიკური დიალოგის ფასილიტატორების ერთობლივ განცხადებას სოციალურ ქსელში ეხმიანება.
სოფო კილაძის თქმით, ფასილიტატორების განცხადება ადასტურებს, რომ შეთანხმება ეხებოდა სასამართლოს საქმიანობაში პოლიტიკურ ჩაურევლობას.
"ელჩების დადასტურებამ, რომ შეთანხმება ეხებოდა სასამართლოს საქმიანობაში პოლიტიკურ ჩაურევლობას, გააცამტვერა ნაცების მორიგი სიცრუე. საბედნიეროდ, პოლიტპატიმრები ქვეყანაში არ გვყავს, ავბედითი წარსული წლებისგან განსხვავებით", - დაწერა სოფო კილაძემ.
შეგახსენებთ, ცოტა ხნის წინ, პოლიტიკური დიალოგის ფასილიტატორებმა გაავრცელეს ერთობლივი განცხადება, სადაც დიალოგის ორივე მხარეს შეთანხმების შესრულებისკენ მოუწოდეს.
ფასილიტატორების განცხადებით, შეთანხმება ორნაწილიანია: ერთი სააჩევნო სისტემაზეა, მეორე იმ საკითხების გადაჭრაზე, რაც სასამართლო სისტემაში პოლიტიკურ ჩარევას ჰგავს.