შეერთებული შტატების პრეზიდენტი, დონალდ ტრამპი New York Times-ის რეპორტიორებს მოუწოდებს, დააბრუნონ პულიცერის პრემია, რომელიც მათ რუსეთისა და იმპიჩმენტის საკითხებზე მომზადებული სტატიებისთვის მიიღეს.
ტრამპი მოითხოვს, რომ პულიცერის პრემია "ნამდვილ ჟურნალისტებს" გადაეცეთ. ამის შესახებ ის მიკრობლოგ "ტვიტერზე" წერს.
"როდის აპირებენ ყალბი ჟურნალისტები, რომელთაც უსაფუძვლო პულიცერის პრემიები სტატიისთვის "რუსეთი, რუსეთი და რუსეთი" და იმპიჩმენტის თაღლითობისთვის მიიღეს, დააბრუნონ ისინი და ნამდვილ ჟურნალისტებს გადასცენ. მე მათ სახელებს მოგაწვდით [ნამდვილი ჟურნალისტების], ისინი მრავლად არიან", - დაწერა ტრამპმა.
2020 წლის პულიცერის პრემია საერთაშორისო რეპორტინგის კატეგორიაში, New York Times-ის რეპორტიორებმა მიიღეს სტატიისთვის "რუსეთი, რუსეთი და რუსეთი", რომელიც ნათელს ჰფენდა ვლადიმირ პუტინის რეჟიმის მტაცებლურ ხასიათს.