ევროპელი ლიდერები ევროპაში ნაციზმზე გამარჯვების 75-ე წლისთავს აღნიშნავენ.
კორონავირუსის პანდემიით გამოწვეული შეზღუდვების გამო საიუბილეო თარიში მოკრძალებულად აღინიშნება.
გაერთიანებულ სამეფოში ორწუთიანი დუმილით მიაგეს პატივი მეორე მსოფლიო ომში დაღუპულთა ხსოვნას. მოგვიანებით, დედოფალი მიმართვას გაავრცელებს.
გერმანიისა და საფრანგეთის ლიდერებმა, ანგელა მერკელმა და ემანუელ მაკრონმა გვირგვინებით შეამკეს დაღუპულთა მემორიალები.
პრეზიდენტმა მაკრონმა პარიზში უცნობი ჯარისკაცის საფლავი გვირგვინით შეამკო - ცერემონია დახურეს ყველასთვის, მხოლოდ ოფიციალური პირების მცირე ჯგუფი იღებდა მონაწილეობას. დაცული იყო დისტანცია. შესრულდა საფრანგეთის სახელმწიფო ჰიმნი.
მაკრონმა ყვავილებით შეამკო, შარლ დე გოლის, ომში თავისუფალი საფრანგეთს ძალების ლიდერის ძეგლი.
ანგელა მერკელი დაესწრო მცირე ღონისძიებას გერმანიის მთავარ ომის მემმორიალთან Neue Wache, სადაც პატივი მიაგეს ომისა და დიქტატურის მსხვერპლთ.
ნაცისტური გერმანიის დამარცხების აღსანიშნავად ასევე ტარდება სხვა ღონისძიებები, მაგრამ მასშტაბური შეკრებების გარეშე.
ტრადიციულად ფაშიზმზე გამარჯვების დღე საჯარო და საზოგადოებრივი ღონისძიებებით აღინიშნება ომის ვეტერანთა მონაწილეობით, თუმცა დღეს ისინი კორონავირუსის გამო იძულებულები არიან საზეიმო განწყობას სახლიდან ადევნონ თვალი.
თითქმის 6-წლიანი ომის შემდეგ, 1945 წლის 8 მაისს მოკავშირეება ოფიციალურად მიიღეს ნაცისტური გერმანიის უპირობო დანებება. მაგრამ მეორე მსოფლიო ომი ამ თარიღით არ დასრულებულა, რადგან მოკავშირეების წინააღმდეგ მებრძოლი იაპონიის კაპიტულაცია მოგვიანებით, 1945 წლის ავგისტოში გამოცხადდა.
მეორე მსოფლიო ომმა 50 მლნ-ზე მეტი ადამიანის სიცოცხლე შეიწირა, მათგან დაახლოებით ნახევარი, საბჭოთა კავშირის სამხედრო და სამოქალაქო პირები იყვნენ.
