შეერთებულ შტატებში, მიჩიგანის შტატის ერთ-ერთი ოჯახის 3 წევრს სუპერმარკეტ Dollar Store-ის დაცვის თანამშრომლის მკვლელობაში წაუყენეს ბრალი. იტყობინება CNN-ი.
ტელეკომპანიის ინფორმაციით, დაცვის თანამშრომელმა სუპერმარკეტში მისულ მოქალაქეებს, შარმელ და ლარი ტიგებს და მათ შვილებს, შეახსენა, რომ შტატის კანონმდებლობის თანახმად, შენობაში აუცილებელი იყო პირბადის ტარება.
დაცვის თანამშრომლის მითითებას, მასსა და ოჯახის წევრებს შორის სიტყვიერი დაპირისპირება მოჰყვა. ამის შემდეგ დაცვის თანამშრომელმა მოუწოდა მოლარეს, რომ არ მომსახურებოდა მოქალაქეებს და მათ შენობის დაუყოვნებლივ დატოვებისკენ მოუწოდა.
ოდნავ მოგვიანებით, ლარი ტიგი და მისი ვაჟი ტრევონი დაბრუნდნენ სუპერმარკეტთან და დაცვის თანამშრომელთან კამათი დაიწყოს, რა დროსაც მას ტრევონმა ცეცხლსასროლი იარაღიდან ესროლა.
პროკურატურის ინფორმაციით, ინცინდენტს ადასტურებს დაცვის სათვალთვალო კამერა.
43 წლის დაცვის თანამშრომელი საავადმყოფოში მიყვანისთანავე გარდაიცვალა. მას ტყვია თავში ჰქონდა მოხვედრილი.
ბრალდებულებს პირველი ხარისხის განზრახ მკვლელობაში ედებათ ბრალი.
