29 ოქტომბერს თბილისის ვანო სარაჯიშვილის სახელობის სახელმწიფო კონსერვატორიაში ტარდება საერთაშორისო კონკურსების ლაურეატის, პიანისტ ხატია ბუნიათიშვილის საქველმოქმედო კონცერტი. შესრულდება ბახის, ლისტის, შოპენის, სტავინსკისა და პროკოფიევის ნაწარმოებები.
საქველმოქმედო კონცერტიდან მიღებული თანხა მთლიანად მოხმარდება, ძუძუს კიბოთი დაავადებულ ქალთა, ფიზიკურ და ფსიქოლოგიურ სარებილიტაციო პროგრამას.
თბილისში 2008 წლიდან ფუნქციონირებს ეროვნული სკრინინგცენტრი, რომელიც ახორციელებს ძუძუს, საშვილოსნოს ყელისა და პროსტატის კიბოს სკრინინგის სახელმწიფო პროგრამას.
2009 წლიდან ეროვნულ კრინინგცენტრში დაარსდა "გამარჯვებულ ქალთა კლუბი", სადაც გაერთიანებულნი არიან ძუძუს კიბოს გამო ნაოპერაციები ქალები. სადღეისოდ, კლუბში გაერთიანებულია 150-ზე მეტი ქალი.
ცენტრის მუშაობის წარმატება აღიარა, საქართველოს ხარისხის მართვის მიმნიჭებელმა საბჭომ (2008წ) და ევროპის საშვილოსნოს ყელის კიბოს საზოგადოებამ (2009წ).
