"ნატო ევროპის უსაფრთხოების ახალ შეთახმების მიღების აუცილებლობას ვერ ხედავს, მაგრამ დაინტერესებულები ვართ რუსეთთან უსაფრთხოების საკითხებში თანამშრომლობით", - ამის შესახებ ნატოს გენერალურმა მდივანმა ანდრეს ფოგ რასმუსენმა განაცხადა.
მისი თქმით, რამდენიმე წლის წინ რუსეთის პრეზიდენტმა დიმიტრი მედვედევი გამოვიდა წინადადებით, რომ ახალი უსაფრთხოების არქიტექტურის შექმნასთან დაკავშირებით იურიდიული დოკუმენტი გაფორმდეს.
"ჩვენ ეს წინადადება რუს კოლეგებთან განვიხილეთ. ნატოს პოზიცია ნათელია - ჩვენ ვერ ვხედავთ ასეთი ხელშეკრულების აუცილებლობას, მაგრამ დაინტერესებულები ვართ რუსეთთან ახალი, პროგრესული ურთიერთობების უსაფრთხოების სფეროში. ერთ-ერთი შესაძლო მიმართულებად განიხილება ნატო-რუსეთის ერთობლივი სარაკეტო სისტემის შექმნა", - განაცხადა რასმუსენმა.
მისივე თქმით, ლისაბონის ნატოს სამიტზე (19-20 ნოემბერი) ალიანსის წევრი ქვეყნები აპირებენ მიიღონ გადაწვეტილება ნატოს რაკეტსაწინააღმდეგო სისტემის შექმნასთან დაკავშირებით, რომელიც ალიანსის მთელ ტერიტორიას დახურავს.
"თუ ჩვენ მივიღებთ ამ გადაწყვეტილებას, ვთვლი, რომ რუსეთმა ამ სფეროში უნდა ითანამშრომლოს. ეს სასარგებლოა სისტემაა და ის დაარწმუნებს რუსეთს, რომ ნატოს რაკეტსაწინააღმდეგო სისტემა მის წინააღმდეგ არ არის მიმართული", - აღნიშნა ნატოს გენმდივანმა.
აღსანიშნავია, რომ რუსულ მხარეს ნატოს გენერალური მდივნის ლისაბონის სამიტზე მიწვევისთვის ჯერ არ უპასუხია.
"ვზგლიადის" ინფორმაციით, კი საფრანგეთის პრეზიდენტი ნიკოლა სარკოზი აპირებს გამოვიდეს ინიაციატივით რუსეთსა და ევროპას შორის უსაფრთხოებისა და ეკონომიკური თანამშრომლობის შესახებ ხელშეკრულების გაფორმებით.
