ახალციხეში მე-19 საუკუნის კათოლიკური ეკლესიის აღდგენა დაიწყო.
წმინდა ჯვრის სახელობის ეკლესია ქალაქში 19-ე საუკუნეში დაარსდა, რომელსაც რეკონსტრუქცია ჩაუტარდება.
ამასთან, ძველი ტაძრის გვერდით ახალი ეკლესია აშენდება, რომლის ასაშენებლად დღეს ქვა საქართველოში კათოლიკური მისიის ხელმძღვანელმა ჯუზეპე პაზოტომ და ქართველმა კათოლიკე მღვდელმა ზურაბ კაკაჩიშვილმა აკურთხეს.
ახალი ტაძარი წმინდა ბენედიქტეს სახელობის იქნება და ორივე ტაძრის საფუძველზე კათოლიკური მონასტერი ამოქმედდება. მონასტრის ასაშენებლად კი თანხებს გერმანელი კათოლიკეები გამოყოფენ.
კათოლიკური სამონასტრო კომპლექსის მშენებლობა და სარეკონსტრუქციო სამუშაოები 2 წელიწადში დასრულდება.
