სექტემბრის განმავლობაში იმპორტირებული ნავთობპროდუქტების ფასი ტონაზე 685-713 დოლარის ფარგლებში მერყეობდა, ხოლო დიზელის საწვავის ფასი - 640-675 დოლარის ფარგლებში.
ნავთობპროდუქტების იმპორტიორთა კავშირის თავმჯდომარის, ვანო მთვრალაშვილის განცხადებით: ოქტომბრის თვიდან ფასებმა მკვეთრი მატება დაიწყო.
"ბენზინის ფასი გაიზარდა 713 დოლარიდან 773 დოლარამდე ტონაზე, ხოლო დიზელის ფასი - 675 დოლარიდან 723 დოლარამდე ტონაზე. ნავთობპროდუქტებზე ფასების ზრდა განპირობებულია პირველ რიგში მსოფლიოში ნავთობის ფასის მატებით. მაგალითისათვის, 20 დღის წინ ნავთობის ფასი 74-78 დოლარის ფარგლებში მერყეობდა, დღეისათვის კი ის შეადგენს: ლონდონში Iნტერჩონტინენტალ Eხცჰანგე Fუტურეს Eუროპე-ზე (IСE Fუტურეს Eუროპე) - 83,43 დოლარს ბარელზე; ხოლო ნიუ-იორკში Nეწ Yორკ Mერცანტილე Eხცჰანგე-ზე (NYMEX) - 81,67 დოლარს ბარელზე"- განაცხადა ვანო მთვრალაშვილმა.
მთვარალაშვილის განმარტებით, ნავთობის ფასების ზრდა განპირობებულია სხვადასხვა ფაქტორებით. მათ შორის მთავარია აშშ დოლარის გაუფასურება ევროსთან მიმართებაში და უახლოეს პერიოდშიც ნავთობის ფასის ცვლილება ძირითადში ამ ფაქტორით მოხდება.
რაც შეეხება საქართველოს, საწვავის ფასი კვლავინდებურად ძველ ნიშნულზე დგას. კერძოდ, დღეისათვის ჩვენი ქვეყნის საცალო ქსელში საწვავის ფასები შეადგენს:
სუპერი ტიპის ბენზინი - 1,95 - 2,00 ლარი/ლიტრაზე;
პრემიუმი ტიპის ბენზინი - 1,90 - 1,95 ლარი/ლიტრაზე;
ევრო რეგულარი ტიპის ბენზინი - 1,80 - 1,85 ლარი/ლიტრაზე;
რეგულარი ტიპის ბენზინი - 1,77 - 1,80 ლარი/ლიტრაზე;
ევრო დიზელი - 1,90 - 1,95 ლარი/ლიტრაზე;
დიზელი (ლ-62) - 1,77 - 1,85 ლარი/ლიტრაზე.
