რუსეთის სახელმწიფო დუმამ, კანონპროექტი რუსეთის კონსტიტუციაში ცვლილებების შეტანის შესახებ, მეორე მოსმენით დაამტკიცა.
ცვლილებათა პეკტის მიხედვით განულდება საპრეზიდენტო ვადები, რაც ვლადიმერ პუტინს შესაძლებლობას მისცემს კენჭი იყაროს შემდგომ საპრეზიდენტო არჩევნებშიც.
აღნიშნულ საკანონმდებლო ინიციატივას, მიესალმა და მხარი დაუჭირა რუსეთის პრეზიდენტმა.
იმისათვის, რომ ცვლილება ძალაში შევიდეს, მას მხარი რუსეთის საკონსტიტუციო სასამართლომაც უნდა დაუჭიროს.
თავის სიტყვაში, პუტინმა განაცხადა, რომ ამ ეტაპზე, სტაბილურობისა და განვითარების მისაღწევად, რუსეთს ძლიერი საპრეზიდენტო მმართველობა სჭირდება და საპარლამენტო რესპუბლიკის მოდელი დაუშვებელია.
კონსტიტუციური კანონპროექტის მესამე მოსმენით დამტკიცების შემდეგ, აპრილში გაიმართება საყოველთაო სახალხო კენჭისყრა.
ვლადიმერ პუტინი ორჯერ ზედიზედ იყო რუსეთის პრეზიდენტი, შემდეგ ის იკავებდა რუსეთის პრემიერ-მინისტრის პოსტს. ამის შემდეგ კიდევ ზედიზედ მეორე იკავებს პრეზიდენტის თანამდებობას.
ცვლილებების შემდეგ პუტინს 2036 წლამდე შეეძლება იყოს რუსეთის პრეზიდენტი.
