შეერთებული შტატების პრეზიდენტი დონალდ ტრამპი მოსკოვში 9 მაისის საიუბილეო აღლუმს არ დაესწრება. ამის შესახებ ინფორმაციას რუსული მედია რუსეთის პრეზიდენტის პრესსპიკერის, დმიტრი პესკოვზე დაყრდნობით ავრცელებს.
პესკოვის თქმით, შეერთებული შტატებიდან მიიღეს ინფორმაცია, რომ პრეზიდენტი ტრამპი ღონისძიებას არ დაესწრება. მისივე განცხადებით, ჯერჯერობით უცნობია ამერიკული დელეგაციის შემადგენლობა.
"ჩვენ ჯერ არ ვიცით, რა დონეზე იქნება წარმოდგენილი შეერთებული შტატების დელეგაცია გამარჯვების დღესთან დაკავშირებულ ღონისძიებაზე. დიპლომატიური არხებით მივიღეთ ინფორმაცია, რომ პრეზიდენტი ტრამპი არ ჩამოვა", - თქვა პესკოვმა.
