კამერუნის სოფელ ნტუმბოში თავდასხმას 22 ადამიანი ემსხვერპლა, მათ შორის 14 ბავშვი. იუწყება BBC-ი გაეროზე დაყრდნობით.
ადგილობრივი მედიის ცნობით, რამდენიმე ადამიანი ცოცხლად დაიწვა.
ჯეიმს ნუნანმა, გაეროს ჰუმანიტარული საკოორდინაციო სააგენტოს OCHA- ს ოფიციალურმა წარმომადგენელმა, BBC- ს განუცხადა, რომ მოკლულთა შორის ორსული ქალია.
თავდასხმა პარასკევს მოხდა. კამერუნის ოპოზიცია ხელისუფლებას ადანაშაულებს მასობრივი ხოცვა-ჟლეტის ორგანიზებაში.
კამერუნის მთავრობას, რომელის 3 წელია ამ რეგიონში სეპარატისტებს ებრძვის, კომენტარი მომხდართან დაკავშირებით არ გაუკეთებია.
კამერუნში დაპირისპირებაა ქვეყნის იმ მცირე ტერიტორიასა, რომელიც ადრე ბრიტანეთს ეკუთვნოდა და დანარჩენ ტერიტორიას შორის, რომელიც ადრე საფრანგეთის კოლონია იყო.
1972 წელს თავდაპირველი ფედერალური სტრუქტურა გაუქმდა და მოხდა დასავლეთ კამერუნის - ინგლისურად მოსაუბრე ანუ ანგლოფონური ნაწილი - გაერთიანებულ რესპუბლიკაში ანექსია.
1984 წელს ქვეყანას ეწოდა კამერუნი და ინგლისურად მოსაუბრე რეგიონის ასიმილირება მოხდა ფრანგულად მოსაუბრეთა სივრცეში.
2017 წლის ოქტომბერში სეპარატისტებმა გამოაცხადეს ტერიტორიის დამოუკიდებლობა, რომელსაც ეწოდა "ამბაზონიის ფედერაციული რესპუბლიკა" და შექმნეს დროებითი მთავრობა. მას შემდეგ ცენტრალურ ხელისუფლებასა და სეპარატისტებს შორის მიმდინარეობს კონფლიქტი.
