ინდოეთში, სასაფლაოზე ცოცხლად დმარხული გოგონა იპოვეს. ბავშვი თიხის ქოთანში იყო მოთავსებული. ამის შესახებ გამოცემა The Sun-ი იუწყება.
ახალშობილი ცოლ-ქმარმა და მუშებმა შემთხვევით იპოვეს, რომლებიც მკვდრადშობილი ბავშვის საფლავს თხრიდნენ. ცოლ-ქმარს, რომელიც თავის ქალიშვილს დასტიროდა, ბავშვის ტირილის ხმა შემოესმათ.
„რაღაც მომენტში გავიფიქრე, რომ ჩემი ქალიშვილი გაცოცხლდა, მაგრამ დავრწმუნდი, რომ ხმა თიხის ქოთნიდან ისმოდა", - განაცხადა ჰითეშ კუმარმა.
მუშებმა მიწიდან ქოთანი ამოიღეს და იქ ცოცხალი გოგონა იპოვეს. 3 დღის ახალშობილი საავადმყოფოში გადაიყვანეს. მას ფილტვების ინფექცია დაუდგინდა. ამ მომენტისთვის გოგონას საკვების დამოუკიდებლდ მიღება არ შეუძლია. წყვილი, რომელმაც გოგონა იპოვა, მის მკურნალობას და შვილად აყვანს აპირებს.
როგორც გამოცემა აღნიშნავს, ახალშობილი გოგონა მშობლებმა მოიცილეს, რადგან, სავარაუდოდ, ბიჭი უნდოდათ, ინდოეთში კი გოგონა უმეტეს შეთხვევაში შვილად არ მიიჩნევა.
