ირანის პრეზიდენტის ჰასან როჰანის თქმით, ირანი მზადაა აშშ-სთან მოლაპარაკებებისთვის თუ შეერთებული შტატები ირანის წინააღმდეგ დაწესებულ სანქციებს მოხსნის და დაუბრუნდება ბირთვულ შეთანხმებას.
როჰანის ეს განცხადება ირანის სახელმწიფო ტელევიზიის მეშვეობით გავრცელდა.
„ჩვენ ყოველთვის გვჯეროდა მოლაპარაკებების. თუ ისინი [აშშ-ი] გააუქმებენ სანქციებს, დასრულდება ირანის ეკონომიკაზე ზეწოლა და დაუბრუნდებიან ბირთვულ შეთანხმებას, ჩვენ მზად ვართ დღესვე, ნებისმიერ ადგილას გავმართოთ მოლაპარაკებები“, - განაცხადა პრეზიდენტმა როჰანიმ.
შეგახსენება, 24 ივნისს, აშშ-ის პრეზიდენტის ადმინისტრაციამ ირანის მიმართ მორიგი სანქციების პაკეტი დაამტკიცა, რომლითაც ეკონომიკური შეზღუდვები გავრცელდა ირანის უზენაეს ლიდერზე აიათოლა ალი ხამენეიზე.
