უკრაინის პრეზიდენტი ვოლოდიმირ ზელენსკი გეგმავს გაათავისუფლოს უკრაინის ყველა გუბერანტორი და მათ ნაცვლად ახალი კანდიდატები წარადგინოს. აღნიშნული ინფორმაცია პრეზიდენტის პრესპიკერმა იულია მენდელმა ორშაბათს გამართულ პრესკონფერენციაზე დაადასტურა.
„დღეს გავრცელდა ინფორმაცია, თითქოს იგეგმება 13 გუბერნატორის გათავისუფლება. სინამდვილეში პრეზიდენტი აპირებს, რომ ყველა გუბერნატორი გაათავისუფლოს“, - თქვა მენდელმა.
მენდელის თქმით, ამჟამად მიმდინარეობს რეგიონული სახელმწიფო ადმინისტრაციის ხელმძღვანელების შერჩევის პროცესი.
„შერჩევის კრიტერიუმები არის პროფესიონალიზმი და კორუფციულ სქემებთან კავშირის არქონა“, - დასძინა იულია მენდელმა.
პრეზიდენტის პრესსპიკერის განცხადებით, ახალი გუბერნატორების შერჩევის პროცესში საერთაშორისოდ აღიარებული მაღალი რეპუტაციის მქონე რეკრუიტერული კომპანიები მონაწილეობენ.