ნიუ-იორკში, მანჰეტენზე, ერთ-ერთ ცათამბრჯენზე დაშვებისას ვერტმფრენი ჩამოვარდა. ინფორმაციას BBC-ი ავრცელებს.
BBC-ის ცნობით, გარდაცვლილია ვერტმფრენის პილოტი.
ნიუ-იორკის გუბერნატორის ენდრიუ კუომოს თქმით, შემთხვევა მე-7 ავენიუზე მოხდა. მისივე თქმით, ვერტმფრენის ჩამოვარდნამ სახურავზე მცირდი ხანძარი გამოიწვია, რის გამოც ბოლო სართულებზე მყოფი ადამიანების ევაკუაცია გახდა საჭირო.
ამ ეტაპზე, ავარიის გამომწვევი ზუსტი მიზეზები უცნობია, თუმცა შესაძლოა ის წვიმიან და ნისლიან ამინდს უკავშირდებოდეს.
ადგილზე იმყოფებიან ნიუ-იორკის სახანძრო და სამაშველო სამსახურები.