მოხალისეებმა ევერესტის დასუფთავება დაიწყეს და 2 კვირის განმავლობაში 3 ტონა ნაგავი შეაგროვეს. როგორც უცხოური მედია წერს, ნაგვის შეგროვებაზე და ევერესტის დასუფთავებაზე 14 მოხალისე მუშაობს. მოხალისეები აქციის გაგრძელებას კიდევ 45 დღით აპირებენ და ვარაუდობენ რომ ამ დროში სულ 10 ტონა ნაგავს შეაგროვებენ.

ნაგავში უმეტესად სჭარბობს ცარიელი ქილები, ბოთლები, ალპინისტის აქსესუარები და სხვა. გარდა ნაგვისა მოხალისეებმა ევერესტზე 4 გვამიც იპოვეს. ცნობილია, რომ ნაგავი ევერესტის ეკოსისტემას ვნებს.

ევერესტი (აგრეთვე ცნობილი როგორც ჯომოლუნგმა) - დედამიწის უმაღლესი წერტილია.

მისი სიმაღლე 8848 მ-ია და მდებარეობს ჰიმალაიში, ნეპალისა და ჩინეთის საზღვარზე. ევერესტს პირამიდის ფორმა აქვს, სამხრეთი კალთა უფრო ციცაბოა, თოვლი არ ჩერდება და გაშიშვლებულია.

ევერესტი პირველად დაიპყრეს 1953 წლის 29 მაისს ჯ. ჰანტის ინგლისელი ექსპედიციის წევრებმა: თენცინგ ნორგეიმ და ედმუნდ ჰილარიმ.

მთას ჯორჯ ევერესტის პატივსაცემად ეწოდა ევერესტის. საგულისხმოა, რომ მთის ზუსტი სიმაღლე სწორედ ჯორჯ ევერესტმა განსაზღვრა.