ინდოეთის აღმოსავლეთ სანაპიროებს გამანადგურებელი ციკლონი Fani, პარასკევს, ადგილობრივი დროით 8 საათზე დაატყდა. ჰაერის მასების გადაადგილების სიჩქარემ 200 კმ/სთ-ს მიაღწია. ინდოეთის ხელისუფლებამ, ქვეყნის აღმოსავლეთ შტატ ორისადან (მეორე სახელი ოდიშა) მილიონზე მეტი ადამიანის ევაკუაცია მოახდინა.
ინდოეთის პოლიციის ინფორმაციით, დაღუპულია 2 ადამიანი. დატბორილია სანაპირო ზოლი.
ორისას შტატში, ასობით საჰაერო და სარკინიგზო რეისი გაუქმდა. დროებით დაიხურა საჯარო უწყებების ოფისები და სკოლები. დახურულია ინდოეთის აღმოსავლეთ სანაპიროებიც.
ორისას შტატი ქვეყანაში ერთ-ერთი უღარიბესი რეგიონია. 2017 წელს, ინდოეთს აღმოსავლეთის სანაპიროებს ციკლონი Ochki დაატყდა თავს და 200 ადამიანის სიცოცხლე იმსხვერპლა, ასობით ინდოელი კი უსახლკაროდ დატოვა.
