თბილისის სახელმწიფო უნივერსიტეტში, ქართული ენის კვირეულის ფარგლებში, დიდი ბრიტანეთის ელჩი ჯასტინ მაკენზი სმიტი გამორჩეული ლიტერატურული ქართული ენით მეტყველებისთვის დააჯილდოვეს.
"ელჩი ჯასტინ მაკენზი სმიტი დაჯილდოვდა ქართული ენით მეტყველებისთვის თბილისის სახელმწიფო უნივერსიტეტის მიერ. ეს პრივილეგიაა." - წერია საელჩოს ტვიტერის გვერდზე.
უნივერსიტეტმა ასევე დაჯილდოვა ამერიკის შეერთებული შტატების საელჩოს მისიის ხელმძღვანელის მოადგილე ელიზაბეტ რუდი და უნგრელი ელეს არპადი
გამორჩეული ლიტერატურული ქართული ენით მეტყველებისთვის უნივერსიტეტის ჯილდო გადაეცათ ასევე - ქართველოლოგს: იაპონიის საელჩოს კულტურის ყოფილ ატაშეს, ენათმეცნიერს, ტოკიოს უცხო ენების უნივერსიტეტის პროფესორს იასუჰირო კოჯიმას; საზოგადო მოღვაწეს, მწერალ კოტე ჯანდიერს; ჟურნალისტ თამარ ცაგარეიშვილს; ღვაწლმოსილ მეცნიერს მერი ნიკოლაიშვილს; ახალგაზრდა მეცნიერებს: ნიკო ქელბაქიანს და გიორგი ჯღარკავას; მთარგმნელს ანი კოპალიანს. გამარჯვებულები უნივერსიტეტის პროფესორებისა და საზოგადო მოღვაწეებისგან შექმნილმა სპეციალურმა კომისიამ გამოავლინა.
