დღეს, პარლამენტის წინ, ეკოლოგ ლაშა ჩხარტიშვილის ინიციატივით, სხვა გარემოსდამცველებთან და მოქალაქეებთან ერთად პანკისის სოლიდარობის პირველი აქცია გაიმართა.
აქციის მონაწილეებმა ხელისუფლებას მოუწოდეს დაუყონებლივ გაეყვანა სპეცრაზმის პანკისის ხეობიდან და უარი ეთქვა მოსახლეობის ნების საწინააღმდეგოდ ჰესის მშენებლობაზე!
ლაშა ჩხარტიშვილმა სოლიდარობა გამოუცხადა და მადლობა გადაუხადა პანკისის მოსახლეობას.
„ახლა მთელმა ქართულმა საზოგადოებამ უნდა დაანახოს ხელისუფლებას, რომ პოლიციური რეჟიმის დამყარება და ქვეყნის მასობრივი დატბორვა მათ არ გაუვათ ! პანკისელებს კი უნდა დავანახოთ, რომ ისინი ჩვენი ერთ-ერთი საუკეთესო მოქალაქენი არიან და რომ ჩვენ ერთ მხარეს ვიბრძვით, ჩვენი ქვეყნის გადასარჩენად “, - განაცხადა ჩხარტიშვილმა.
