საზოგადოებრივი მაუწყებლის აჭარის ტელევიზიისა და რადიოს გენერალური დირექტორი ნათია კაპანაძე მაუწყებლის მრჩეველთა საბჭომ დაკავებული თანამდებობიდან გადააყენა.
აღნიშნული გადაწყვეტილების წინააღმდეგ მხოლოდ საბჭოს ერთი წევრი წავიდა, დანარჩენმა ოთხმა კი მხარი დაუჭირა.
შეგახსენებთ, რომ საზოგადოებრივი მაუწყებლის აჭარის ტელევიზიისა და რადიოს დირექტორის ნათია კაპანაძის იმპიჩმენტის მოთხოვნით მაუწყებლის მრჩეველთა საბჭოს, მისმა ორმა წევრმა, გიგა ჩხარტიშვილმა და ირაკლი დარცმელიძემ განცხადებით 11 აპრილს მიმართა.
მაუწყებლის მრჩეველთა საბჭოში ირაკლი დარცმელიძე „ნაციონალური მოძრაობის“ კვოტით არის წარმოდგენილი, ხოლო გიგა ჩხარტიშვილი „ქართული ოცნების“ კვოტით.
ნათია კაპანაძე აჭარის საზოგადოებრივი მაუწყებლის დირექტორად, 2016 წელს დაინიშნა. უფლებამოსილების ვადის ამოწურვამდე მას 8 თვე ჰქონდა დარჩენილი.
