საქართველოში მიმდინარე საპენსიო რეფორმა და პროცესები, რომელიც საპენსიო სააგენტომ დაარსების დღიდან გაიარა - საპენსიო სააგენტოს დირექტორის მოადგილე ვაჟა ჯაფოშვილი უცხოელებს საკუთარ გამოცდილებას უზიარებს.
ვაჟა ჯაფოშვილი ტაშკენტში საერთაშორისო კონფერენციას ესწრება და უცხოელ კოლეგებს დაგროვებითი პენსიის შესახებ, დეტალურ ინფორმაციას აცნობს. კონფერენციას სახელწოდებით ,,საპენსიო სისტემის რეფორმა უზბეკეთის რესპუბლიკაში და უცხო ქვეყნების გამოცდილება“ სხვადასხვა ქვეყნის საპენსიო დარგის წარმომადგენელი ესწრება.
საკუთარ გამოსვლაში ვაჟა ჯაფოშვილმა დაგროვებითი პენსიის ქართულ სქემაზე, დასაქმებულის, დამსაქმებლისა და სახელმწიფოს კონტრიბუციაზე ისაუბრა და აღნიშნა, რომ რეფორმა ქვეყანაში წარმატებით მიმდინარეობს.
