ორი 22 წლის სტუდენტი, იტალიის რეგიონ კომოში გაჩენილი მასიური ხანძრითვის 13,5-13,5 მილიონი ევროთი დაჯარიმდნენ. BBC-ის ინფორმაციით, მთის ფერდობზე არსებული ტყე ერთ-ერთი ახალგაზრდის ბაბუას ეკუთვნოდა.
სტუდენტებმა ტყეში ბარბექიუს მომზადება გადაწყვიტეს, რის შედეგადაც ხანძარი გაჩნდა. ცეცხლი სწრაფად გავრცელდა და ტყის მასივს მოედო.
სატყეო დეპარტამენტმა სპეციალური ფორმულით გამოითვალა გარემოსთვის მიყენებული ზიანი, რომელიც ტყის დაწვის შედეგად დადგა.
იტალიური გაზეთის La Stampa-თვის მიცემულ ინტერვიუში, ერთ-ერთი სტუდენტი აღნიშნავს, რომ ინციდენტიდან რამდენიმე წუთში გამოიძახეს სახანძრო ბრიგადა და მომხდარის გამო ძალიან წუხს.
ხანძარი რამდენიმე დღე გაგრძელდა და 1000 ჰექტარი ტყე გაანადურა. ხანძრის ჩასაქრობად ასობით იტალიელი მეხანძრე და ავიაცია იბრძოდა.
გამოცემა La Stampa-ს ინფორმაციით, სტუდენტებს 6840 კვადრატული მეტრის გადაწვაში ედებოდათ ბრალი. მოქმედი კანონმდებლობით კი ერთ კვადრატულ მეტრზე მიყენებული ზიანი 118-593 ევროს ფარგლებში მერყეობს. შესაბამისად, სტუდენტებს 8-40 მილიონ ევრომდე ჯარიმა შეიძლებოდა დაკისრებოდათ.
