უკრაინაში რიგით მეექვსე საპრეზიდენტო არჩევნები მიმდინარეობს.
ამომრჩევლების ხმების უმრავლესობის მოსაპოვებლად სამი ძირითადი კანდიდატი იბრძვის: „ნარინჯისფერი რევოლუციის“ ერთ-ერთ ლიდერი, პარტია „ბატკივშინას“ თავმჯდომარე და უკრაინის ყოფილი პრემიერ-მინისტრი იულია ტიმოშენკო, შოუმენი, მსახიობი და კომიკოსი ვლადიმირ ზელენსკი და ქვეყნის მოქმედი პრეზიდენტი პეტრო პოროშენკო.
უკრაინის მთელ ტერიტორიაზე, გარდა რუსეთის მიერ ანექსირებული ყირიმისა და ოკუპირებული დონეცკის და ლუგანსკის ოლქებისა, შექმნილია 29888 საარჩევნო უბანი.
საპრეზიდენტო კანდიდატებს გამარჯვებისთვის ამომრჩეველთა 50%-ზე მეტი ხმის მოპოვება დასჭირდებათ.
ბოლოდროინდელი კვლევების თანახმად, უკრაინის საპრეზიდენტო არჩევნების პირველ ტურში ვერცერთი კანდიდატი მოიპოვებს 50 %-ზე მეტი ამომრჩევლის მხარდაჭერას. შესაბამისად, დიდი ალბათობით გიამართება მეორე ტური.
უკრაინის საპრეზიდენტო არჩევნებამდე სამი დღით ადრე ჩატარებული სოციოლოგიური კვლევის მიხედვით, ვლადიმირ ზელენკსი 27,7 %-ით ლიდერობდა, მას მოსდევდა იულია ტიმოშენკო 16,6 %-ით, ხოლო მესამე ადგილზე გავიდა პოროშენკო 16,4 %-ით.
უკრაინული დროით, 20:00 საათზე ქვეყნის ყველა საარჩევნო უბანი დაიხურება, რის შემდეგაც გამოქვეყნდება ეგზიტპოლები.
